Qazaqstan Respýblıkasy Investısııalar jáne damý mınıstrliginiń buıryǵy №63

2014 jylǵy 14 qazan,  Astana qalasy «Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti» memlekettik mekemesiniń erejesin bekitý týraly «Qazaqstan Respýblıkasy ortalyq atqarýshy organdarynyń vedomstvolary týraly» 2014 jylǵy 14 tamyzdaǵy №933 jáne «Qazaqstan Respýblıkasy Investısııalar jáne damý mınıstrliginiń keıbir máseleleri» 2014 jylǵy 19 qyrkúıektegi № 995 Qazaqstan Respýblıkasy Úkimetiniń qaýlylaryna sáıkes buıyramyn: 1. Qosa berilip otyrǵan «Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti» memlekettik mekemesiniń erejesi bekitilsin. 2. Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti (B.K.Seıdahmetov): 1) osy buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin, buqaralyq aqparat quraldarynda resmı jarııalanýyn, onyń ishinde Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 3) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin 5 jumys kúni ishinde memlekettik tirkeý týraly jáne buqaralyq aqparat quraldarynda jarııalaýǵa jiberý týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Investısııalar jáne damý birinshi vıse-mınıstri J.M. Qasymbekke júktelsin. 4. Osy buıryq alǵashqy resmı jarııalanǵan kúnnen bastap qoldanysqa engiziledi. Qazaqstan Respýblıkasy Investısııalar jáne damý mınıstriniń mindetin atqarýshy J.QASYMBEK. Qazaqstan Respýblıkasy Investısııalar jáne damý mınıstriniń mindetin atqarýshynyń 2014 jylǵy 14 qazandaǵy №63 buıryǵymen bekitilgen «Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti» memlekettik mekemesiniń erejesi 1. Jalpy erejeler 1. Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti (budan ári – Komıtet) retteýshi, iske asyrylýshylyq jáne baqylaý fýnksııalaryn júzege asyratyn, sondaı-aq azamattyq avıasııa salasyndaǵy Mınıstrliktiń strategııalyq fýnksııalaryn oryndaýǵa qatysatyn Qazaqstan Respýblıkasy Investısııalar jáne damý mınıstrliginiń (budan ári – Mınıstrlik) vedomstvosy bolyp tabylady. Komıtettiń Almaty qalasynda aýmaqtyq organy bar. 2. Komıtet óz qyzmetinde Qazaqstan Respýblıkasynyń Konstıtýsııasyn, zańdaryn, Qazaqstan Respýblıkasynyń Prezıdenti men Úkimetiniń aktilerin, ózge de normatıvtik quqyqtyq aktilerdi, sondaı-aq osy Erejeni basshylyqqa alady. 3. Komıtet memlekettik mekemeniń uıymdyq-quqyqtyq nysanyndaǵy zańdy tulǵa bolyp tabylady, memlekettik tildegi óz ataýymen mórleri men mórtabany, belgilengen úlgidegi blankileri, sondaı-aq Qazaqstan Respýblıkasynyń zańnamasyna sáıkes Qazaqstan Respýblıkasy Qarjy mınıstrliginiń Qazynashylyq komıteti organdarynda jáne bankterde shottary bar. 4. Komıtet óz atynan azamattyq-quqyqtyq qatynastarǵa túsedi. 5. Komıtet óz quzyretindegi máseleler boıynsha zańnamada belgilengen tártippen buıryqtarda resimdeletin sheshimder qabyldaıdy. 6. Komıtettiń qurylymyn, shtattyq sanyn Mınıstrliktiń Jaýapty hatshysy Qazaqstan Respýblıkasy Investısııalar jáne damý Mınıstrimen keliskennen keıin bekitedi. 7. Komıtettiń tolyq ataýy – «Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti» respýblıkalyq memlekettik mekemesi. 8. Komıtettiń ornalasqan orny: Qazaqstan Respýblıkasy, 010000, Astana qalasy, Esil aýdany, Qabanbaı batyr dańǵyly, 32/1, «Transport tower» ǵımaraty. 9. Osy Ereje Komıtettiń quryltaıshy qujaty bolyp tabylady. 10. Komıtettiń qyzmetin qarjylandyrý respýblıkalyq bıýdjetten júzege asyrylady. 11. Komıtetke kásipkerlik sýbektilerimen Komıtettiń fýnksııalary bolyp tabylatyn mindetterdi oryndaý mánine sharttyq qatynastarǵa túspeıdi. Komıtetke zańnamalyq aktilermen oǵan tabys ákeletin qyzmetti júzege asyrý boıynsha quqyqtar berilgen jaǵdaıda, onda osyndaı qyzmetten túsken tabys respýblıkalyq bıýdjettiń kirisine jiberiledi. 2. Negizgi mindetteri, fýnksııalary, quqyqtary men mindettemeleri 12. Komıtettiń negizgi mindetteri mynalar bolyp tabylady: 1) áýe keńistigin paıdalaný jáne azamattyq jáne eksperımenttik avıasııa qyzmeti salasynda memlekettik saıasattyń negizgi baǵyttaryn iske asyrý; 2) Qazaqstan Respýblıkasynyń áýe keńistigin paıdalaný jáne azamattyq jáne eksperımenttik avıasııa qyzmetin memlekettik retteý jáne memlekettik baqylaý jáne qadaǵalaý; 3) Qazaqstan Respýblıkasynyń áýe keńistigin ony paıdalanýshylardyń qaýipsiz paıdalanýyn qamtamasyz etý, adamdardyń ómiri nemese densaýlyǵyna, qorshaǵan ortaǵa, memleket múddelerine qaýip tóndirmeı ushýdy oryndaý; 4) áýe keńistigin paıdalaný jáne ushýdy oryndaýmen baılanysty qyzmetti júzege asyrýdyń jalpy prınsıpterin belgileý; 5) Qazaqstan Respýblıkasynyń ekonomıka jáne azamattardyń avıasııalyq qyzmetterge qajettilikterin qanaǵattandyrý. 13. Komıtet Qazaqstan Respýblıkasynyń zańnamasyna sáıkes Mınıstrlik oǵan júktegen mynadaı fýnksııalardy júzege asyrady: 1) azamattyq avıasııa uıymdarynyń avıasııalyq personaldyń kásibı daıyndyǵy men densaýlyq jaǵdaıy máseleleri boıynsha belgilengen talaptar men normalardy qamtamasyz etýin baqylaýdy jáne qadaǵalaýdy júzege asyrý; 2) azamattyq avıasııa uıymdarynyń azamattyq áýe kemeleriniń ushýǵa jaramdylyq normalaryn qamtamasyz etýin baqylaýdy jáne qadaǵalaýdy júzege asyrý; 3) halyqaralyq áýe tasymaldaryn baqylaýdy jáne qadaǵalaýdy júzege asyrý; 4) avıasııalyq qaýipsizdiktiń qamtamasyz etilýin baqylaýdy jáne qadaǵalaýdy júzege asyrý; 5) sertıfıkattaýdy jáne úlgilik sertıfıkatyn berýdi júzege asyrý; 6) halyqaralyq reısterdi qamtamasyz etýge ruqsat etilmegen áýejaılardan (áýejaılarǵa) halyqaralyq ushýdy oryndaıtyn azamattyq áýe kemelerin qabyldaýǵa, ushýǵa shyǵarýǵa jáne olarǵa qyzmet kórsetýge ýaqytsha ruqsattaryn berý; 7) ushý qaýipsizdigine qater tóndiretin kemshilikter anyqtalǵan jaǵdaıda úlgi sertıfıkatynyń qoldanysyn toqtata turý; 8) azamattyq avıasııa salasyndaǵy ushý qaýipsizdigi men avıasııalyq qaýipsizdik talaptaryn buzýshylyqty esepke alýdyń júrgizilýin júzege asyrý; 9) áýeaılaqty (tikushaq aılaǵyn) sertıfıkattaýdy jáne onyń jaramdylyǵy sertıfıkatyn berýdi júzege asyrý; 10) serııalyq óndiriske arnalǵan jańa konstrýksııalyq (jańa úlgidegi) azamattyq áýe kemesi zaýyttyq, memlekettik jáne paıdalaný synaqtarynan ótkennen keıin oǵan úlgi sertıfıkatyn berý; 11) Qazaqstan Respýblıkasynyń áýe keńistiginde shetel memleketteriniń áýe kemeleriniń halyqaralyq turaqty emes (bir jolǵy) ushýyna ruqsat berý; 12) azamattyq avıasııa salasynda áýe qozǵalysyna qyzmet kórsetilýin, ushýdyń radıotehnıkalyq jáne meteorologııalyq qamtamasyz etilýin baqylaýdy jáne qadaǵalaýdy, sondaı-aq kórsetiletin qyzmet pen onyń sapasyn tekserýdi júzege asyrý; 13) avıasııalyq personalǵa jatatyn tulǵaǵa onyń qajetti bilimi men daǵdylary bar ekenin, sondaı-aq densaýlyǵynyń belgilengen talaptarǵa saı keletinin rastaıtyn kásiptik qyzmetti júzege asyrýǵa quqyq beretin avıasııalyq personal kýáligin berý, kýáliktiń qoldanys merzimin uzartý, qaıtaryp alý, mundaı kýáliktiń qoldanysyn toqtata turý, kýálikke biliktilik jáne arnaıy belgiler engizý; 14) Qazaqstan Respýblıkasynyń jeke jáne zańdy tulǵalaryna azamattyq áýe kemelerin paıdalanýshy sertıfıkatyn berý; 15) ishki áýe trassalary, jergilikti áýe jelileri, ushý marshrýttary boıynsha jáne áýe trassalarynan tys halyqaralyq ushýdy oryndaýǵa kelisý; 16) avıasııalyq jumystardy oryndaý quqyǵyna arnalǵan kýálikti berý; 17) ushýǵa jaramdylyǵynyń qoldanystaǵy sertıfıkaty joq áýe kemesine ushý synaqtaryn júrgizý nemese onyń tehnıkalyq qyzmet kórsetiletin jáne jóndeý júrgiziletin jerge ushyp barýy úshin arnaıy ushýdy oryndaýǵa ruqsat berý; 18) halyqaralyq jáne sýbsıdııalanatyn avıamarshrýttarǵa kýálikter berý; 19) Qazaqstan Respýblıkasy azamattyq áýe kemeleriniń memlekettik tiziliminde Qazaqstan Respýblıkasynyń jeke nemese zańdy tulǵalarynyń menshigindegi azamattyq áýe kemelerine quqyqtardy jáne atalǵan áýe kemelerimen jasalatyn mámilelerdi, sondaı-aq qaıtarylmaıtyn ókilettikterdi memlekettik tirkeýdi júzege asyrý; 20) asa jeńil avıasııa áýe kemeleriniń ushý jaramdylyǵyna sertıfıkattaýdy júzege asyrý; 21) azamattyq avıasııa salasyndaǵy ýákiletti organ bergen qoldanystaǵy sertıfıkattarǵa ózgerister men tolyqtyrýlar engizý, ıelenýshiler sertıfıkattaý talaptaryn saqtamaǵan jaǵdaıda sertıfıkattar berýden bas tartý, qaıtaryp alý, olardyń qoldanysyn toqtata turý; 22) shetel memleketi Qazaqstan Respýblıkasynyń azamatyna bergen avıasııa personalynyń kýáligin ne tıisti kýálikti bere otyryp, jumysqa jaldaný úshin Qazaqstan Respýblıkasyna kelgen shetel azamatynyń avıasııa personalynyń kýáligin taný; 23) azamattyq áýe kemesin sertıfıkattaýdy jáne oǵan dana sertıfıkatyn berýdi júzege asyrý; 24) sertıfıkattaýdy jáne azamattyq áýe kemesiniń ushý jaramdylyǵy sertıfıkatyn berýdi júzege asyrý; 25) azamattyq áýe kemelerimen áýe keńistigin paıdalaný tártibin buzýshylyqtyń jolyn kesý; 26) Qazaqstan Respýblıkasynyń áýeaılaqtarynda qonbaı ne qona otyryp, Qazaqstan Respýblıkasynyń aýmaǵy arqyly kommersııalyq emes maqsattarda halyqaralyq turaqty ushýdy oryndaýǵa ruqsat etý; 27) eger áýeaılaqtardyń (tikushaq aılaqtarynyń) paıdalanýǵa jaramdylyǵy normalarynan ýaqytsha aýytqý belgilengen ushý qaýipsizdigi deńgeıine balamaly deńgeıi qamtamasyz etetin qosymsha sharalar engizýmen ótelse, mundaı aýytqýlarǵa kelisý; 28) avıasııa personalyna jatatyn tulǵalardyń «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń Zańyna sáıkes belgilengen talaptar men normalardy saqtaýyn baqylaýdy jáne qadaǵalaýdy júzege asyrý; 29) shetel memleketi bergen áýe kemesiniń ushý jaramdylyǵy sertıfıkatyn taný; 30) shet memleketterdiń áskerı qurylymdaryn, qarý-jaraǵyn jáne áskerı tehnıkasyn, sondaı-aq qosarly maqsatta paıdalanylatyn ónimderdi tasymaldaý úshin azamattyq áýe kemesin paıdalanýshynyń halyqaralyq ushýyna kelisý; 31) Qazaqstan Respýblıkasyna (Qazaqstan Respýblıkasynan) turaqty jolaýshylar reısterin oryndaýdy josparlaıtyn sheteldik tasymaldaýshylardy tirkeýdi júzege asyrý; 32) jeke jáne zańdy tulǵalardyń Qazaqstan Respýblıkasynyń áýe keńistigin jáne avıasııa qyzmeti týraly Qazaqstan Respýblıkasynyń zańnamasyn jáne (nemese) halyqaralyq standarttardy saqtaýyn memlekettik baqylaý men qadaǵalaýdy júzege asyrý; 33) áýe kemesi, onyń quramdaýyshtary, qosalqy bólshekteri men qosymsha aspaptary jaı-kúıiniń paıdalanýshyǵa berilgen ushýǵa jaramdylyǵy sertıfıkatynyń talaptaryna jáne ushýǵa jaramdylyǵyn aıqyndaıtyn paıdalaný-tehnıkalyq qujattamanyń talaptaryna sáıkestigin baqylaýdy jáne qadaǵalaýdy júzege asyrý; 34) sertıfıkattalǵan eń joǵary ushý massasy bes myń jeti júz kılogramnan asatyn ushaqtardy jáne (nemese) bir nemese birneshe týrboreaktıvti (týrboburandaly) qozǵaltqyshpen jaraqtandyrylǵan ushaqtardy paıdalanatyn jalpy maqsattaǵy avıasııany paıdalanýshylarǵa ushýdy oryndaý quqyǵyna kýálik berý; 35) basqa memlekettik organdardyń quzyretine sáıkes olarmen birlesip, Qazaqstan Respýblıkasynyń azamattyq avıasııasyn zańsyz aralasý aktilerinen qorǵaýdy qamtamasyz etetin zańdardyń, qaǵıdalar men rásimderdiń saqtalýyn baqylaýdy jáne qadaǵalaýdy júzege asyrý; 36) avıasııalyq tehnıka men oǵan jerde qyzmet kórsetý quraldarynyń ushý jáne tehnıkalyq paıdalaný talaptaryna sáıkestigin baqylaýdy jáne qadaǵalaýdy júzege asyrý; 37) áýeaılaq (tikushaq aılaq) obektileriniń, qoný alańqaılarynyń kútip-ustalýyn jáne «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasy Zańynyń 65-babynyń 1-tarmaǵynyń 1), 2), 3), 4), 5), 6), 7) 9) jáne 10) tarmaqshalarynda kózdelgen áýejaı qyzmetiniń sapasyn baqylaýdy jáne qadaǵalaýdy júzege asyrý; 38) azamattyq avıasııa áýeaılaǵy aýdanynda obektilerdi tańbalaýdyń júzege asyrylýyn baqylaýdy júzege asyrý; 39) azamattyq áýe kemesi danasy konstrýksııasynyń, sıpattamalarynyń jáne paıdalaný-tehnıkalyq qujattamasynyń ushýǵa jaramdylyq normalaryna sáıkestigi kýáligin berý; 40) azamattyq áýe kemeleriniń ushý qaýipsizdigine qater tóndirýi múmkin qyzmetti baqylaýdy jáne qadaǵalaýdy júzege asyrý; 41) azamattyq áýe kemesin memlekettik tirkeý týraly kýálik berý; 42) áýe kemesiniń ushýǵa jaramdylyǵynyń eksporttyq sertıfıkatyn berý; 43) Qazaqstan Respýblıkasy azamattyq áýe kemeleriniń memlekettik tiziliminde tirkelgen áýe kemesine tehnıkalyq qyzmet kórsetý baǵdarlamasyn (reglamentin) bekitý; 44) azamattyq áýe kemelerinde ornatylǵan radıomen habarlaý apparatýrasyn paıdalanýǵa ruqsat berý; 45) azamattyq avıasııa áýeaılaqtaryn (tikushaq aılaqtaryn), birlese paıdalaný jáne birlesip ornalasý áýeaılaqtaryn esepke alýdy júzege asyrý; 46) áýejaıdyń avıasııalyq qaýipsizdik qyzmetiniń qarap tekserýler uıymdastyrý jónindegi sertıfıkatyn berý; 47) avıasııalyq oqý ortalyǵynyń sertıfıkatyn berý; 48) azamattyq avıasııanyń avıasııalyq tehnıkasyna tehnıkalyq qyzmet kórsetý jáne jóndeý jónindegi uıymnyń sertıfıkatyn berý; 49) áýejaıdyń jáne Qazaqstan Respýblıkasynyń azamattyq áýe kemeleri men Qazaqstan Respýblıkasynyń áýejaılaryna turaqty ushýdy oryndaıtyn shet memleketterdiń áýe kemelerin paıdalanýshylardyń avıasııalyq qaýipsizdigi jónindegi baǵdarlamalaryn kelisý; 50) azamattyq jáne eksperımenttik avıasııanyń áýe keńistigin paıdalaný tártibin buzýshylyqtardy esepke alýdy júrgizý; 51) azamattyq áýe kemeleriniń ushý qaýipsizdigine qater tóndirýi múmkin qyzmetti júzege asyrýǵa ruqsat berý; 52) múddeli memlekettik organdar arasynda avıasııalyq qaýipsizdik salasyndaǵy qyzmetti úılestirýdi júzege asyrý, azamattyq avıasııa qyzmetine zańsyz aralasý áreketterin tekserýde memlekettik organdarǵa járdemdesý, olardyń aldyn alý jónindegi is-sharalardy ázirleý; 53) sertıfıkattaýdy jáne áýe qozǵalysyna qyzmet kórsetetin organnyń jáne (nemese) aeronavıgasııalyq uıymnyń radıotehnıkalyq jabdyq pen baılanysty paıdalaný qyzmetiniń sertıfıkatyn berýdi júzege asyrý; 54) azamattyq jáne eksperımenttik avıasııa salasyndaǵy ushýdyń izdestirý-qutqarýshylyq jáne apattyq-qutqarýmen qamtamasyz etilýin baqylaýdy júzege asyrý; 55) avıasııalyq oqytý ortalyqtary jáne azamattyq avıasııa uıymdary ázirlegen avıasııalyq personaldy kásiptik daıarlaý baǵdarlamalaryn kelisý; 56) memlekettik avıasııa salasyndaǵy ýákiletti organmen kelisim boıynsha Qazaqstan Respýblıkasy Úkimetiniń 2011 jylǵy 12 mamyrdaǵy № 506 qaýlysymen bekitilgen Qazaqstan Respýblıkasynyń áýe keńistigin paıdalaný qaǵıdalaryna sáıkes astananyń jáne astanalyq áýejaıdyń ústindegi áýe keńistigin paıdalaný tártibin belgileý; 57) jeke jáne zańdy tulǵalardyń ushý qaýipsizdigin qamtamasyz etýin turaqty qadaǵalaýdy júzege asyrý; 58) qyzmeti sertıfıkattalýǵa jatpaıtyn jeke jáne (nemese) zańdy tulǵalardyń ushý qaýipsizdiginiń qamtamasyz etilýin baqylaýdy júzege asyrý; 59) turaqty qadaǵalaýdy qamtamasyz etý jónindegi jyl saıynǵy baǵdarlamany qabyldaý; 60) Halyqaralyq azamattyq avıasııa uıymy (IKAO) standarttarynyń negizinde ázirlengen sheteldik paıdalanýshylardyń azamattyq áýe kemelerin perrondyq tekserýdiń tekserý paraqtarynyń nysanyn bekitý; 61) azamattyq avıasııanyń paıdalanýshylary men uıymdarynyń qarjy-ekonomıkalyq jaǵdaıy týraly aqparattyń nysanyn bekitý; 62) sheteldik paıdalanýshynyń azamattyq áýe kemesin perrondyq jáne jospardan tys perrondyq tekserýdi júzege asyrý; 63) Qazaqstan Respýblıkasynyń zańnamasyna sáıkes ózge de ókilettikterdi júzege asyrý. 14. Komıtettiń quqyqtary men mindettemeleri: Komıtet: 1) azamattyq avıasııa uıymdarynyń laýazymdy adamdarynan jáne paıdalanýshylardan aqparatty, qujattardy suratýǵa, sondaı-aq olardy usyný merzimderin belgileı otyryp, óz fýnksııalaryn oryndaý úshin qajetti túsindirmeler men materıaldardy talap etýge; 2) áýe keńistigin paıdalaný, áýe qozǵalysyn jáne azamattyq jáne eksperımenttik avıasııa qyzmetin uıymdastyrý máselelerin retteıtin jańa jáne qoldanystaǵy normatıvtik quqyqtyq aktilerdi ázirleý jáne jetildirý boıynsha usynystar engizýge; 3) azamattyq avıasııany damytý, olardy iske asyrýdyń uıymdastyrý jáne qarjylyq mehanızmderi, azamattyq avıasııa salasynyń damýyna ınvestısııalar tartý úshin jaǵdaılar men basymdyqtar qalyptastyrý boıynsha usynystar engizýge; 4) Komıtettiń jáne onyń aýmaqtyq organynyń memlekettik baqylaý men qadaǵalaýdy júzege asyrýǵa ýákiletti azamattyq avıasııa salasyndaǵy ýákiletti organnyń ushýǵa ruqsaty bar laýazymdy tulǵalary óz qyzmettik mindetterin oryndaǵan kezde áýe kemesiniń kabınasynda, ondaı ruqsaty joq adamdar - bos oryn bolǵan kezde áýe kemesiniń paıdalanýshylarymen kelisim boıynsha áýe kemesiniń jolaýshylar salonynda bolýǵa quqyly; 5) Qazaqstan Respýblıkasynyń qoldanystaǵy zańnamasynda kózdelgen ózge de quqyqtardy júzege asyrady. 15. Komıtettiń mindettemelerine mynalar jatady: 1) Komıtetke júktelgen mindetter men fýnksııalardyń iske asyrylýyn qamtamasyz etý; 2) Qazaqstan Respýblıkasynyń zańnamasyn, quqyqtary men zańda qorǵalatyn jeke jne zańdy tulǵalardyń múddelerin saqtaý; 3) Komıtettiń quzyretine kiretin máseleler boıynsha túsiniktemeler daıarlaý; 4) óz quzyreti sheginde jáne zańnama sheńberinde ol týraly Mınıstrliktiń qurylymdyq bólimsheleri jáne memlekettik organdar resmı suraý salǵan jaǵdaıda qajetti materıaldar men anyqtamalardy usyný; 5) Komıtettiń teńgeriminde turǵan memlekettik múliktiń saqtalýyn qamtamasyz etý; 6) qoldanystaǵy zańnamaǵa sáıkes býhgalterlik esepti júrgizý; 7) belgilengen merzimde Mınıstrlikke býhgalterlik jáne qarjylyq eseptilikti jasaý jáne usyný; 8) Komıtetke bólingen bıýdjettik qarajattyń tolyq, ýaqtyly jáne tıimdi paıdalanýyn qamtamasyz etý; 9) Qazaqstan Respýblıkasynyń zańnamasyna sáıkes memlekettik satyp alý rásimderin júrgizý. 3. Komıtet qyzmetin uıymdastyrý 16. Komıtetti Qazaqstan Respýblıkasynyń zańnamasyna sáıkes qyzmetke taǵaıyndalatyn jáne qyzmetten bosatylatyn tóraǵa basqarady. 17. Komıtet tóraǵasynyń Qazaqstan Respýblıkasynyń zańnamasyna sáıkes qyzmetke taǵaıyndalatyn jáne qyzmetten bosatylatyn orynbasarlary bolady. 18. Komıtettiń tóraǵasy Mınıstrliktiń basshylyǵyna Komıtettiń qurylymy men shtattyq kestesi boıynsha usynys engizedi. 19. Komıtettiń tóraǵasy Komıtettiń qyzmetine jalpy basshylyqty júzege asyrady jáne Komıtetke júktelgen mindetterdi oryndaýǵa jáne onyń óz fýnksııalaryn júzege asyrýǵa derbes jaýapty bolady. 20. Komıtet tóraǵasy óz quzyreti sheginde: 1) óziniń orynbasarlary men Komıtettiń qurylymdyq bólimsheleriniń jáne Almaty qalasy aýmaqtyq organy basshylarynyń mindetteri men ókilettikterin anyqtaıdy; 2) óz quzyreti sheginde buıryqtardy shyǵarady; 3) Komıtettiń qurylymdyq bólimsheleriniń basshylaryn eńbek qatynastary máselesi zańnamalyq aktilerge sáıkes joǵary turǵan memlekettik organdar men laýazymdy adamdardyń quzyretine jatqyzylǵan qyzmetkerlerdi qospaǵanda, laýazymǵa taǵaıyndaıdy jáne laýazymnan bosatady; 4) issaparlar, eńbek demelysyn berý, materıaldyq kómek kórsetý, daıarlaý (qaıta daıarlaý) biliktilikti arttyrý, kótermeleý, ústemaqylar tóleý jáne syıaqylar berý, sondaı-aq joǵary turǵan memlekettik organdar men laýazymdy adamdardyń quzyretine jatqyzylǵan qyzmetkerlerdi qospaǵanda, Komıtettiń qyzmetkerlerin tártiptik jaýapkershilikke tartý máselelerin sheshedi; 5) Komıtettiń múddelerin qoldanystaǵy zańnamaǵa sáıkes memlekettik organdarda jáne ózge uıymdarda bildiredi; 6) Komıtettiń qurylymdyq bólimsheleri týraly erejelerdi bekitedi; 7) sybaılas jemqorlyq quqyqbuzýshylyq nemese sybaılas jemqorlyq áreketteriniń týyndaýyna sebep bolatyn is-qımyldar belgilengen jaǵdaıda ol týraly Mınıstrliktiń basshylyǵyn habardar etedi; 8) Komıtet qyzmetkerleri memlekettik qyzmetkerdiń qyzmettik etıka normalaryn saqtaýyn qamtamasyz etedi; 9) Komıtette sybaılas jemqorlyqqa qarsy turýǵa baǵyttalǵan sharalardy qabyldaıdy jáne sybaılas jemqorlyqqa qarsy sharalardy qabyldaýǵa jeke jaýapty bolady; 10) respýblıkalyq bıýdjettik baǵdarlamalardyń iske asyrylýyna jáne memlekettik satyp alý salasyndaǵy qyzmetti iske asyrýǵa jeke jaýapty bolady; 11) onyń quzyretine kiretin basqa máseleler boıynsha sheshimder qabyldaıdy. Komıtet tóraǵasynyń ókilettigin oryndaýdy, ol bolmaǵan kezde qoldanystaǵy zańnamaǵa sáıkes onyń mindetin ýaqytsha atqaratyn adam júzege asyrady. 21. Komıtet tóraǵasynyń orynbasary: 1) óz quzyreti sheginde Komıtettiń qurylymdyq bólimsheleriniń qyzmetin úılestiredi; 2) Komıtettiń tóraǵasy júktegen ózge fýnksııalardy júzege asyrady. 4. Komıtettiń múligi 22. Komıtettiń jedel basqarý quqyǵynda oqshaýlanǵan múligi bolady. Komıtettiń múligi memleket bergen múlik esebinen qalyptasady, sondaı-aq quny Komıtettiń teńgeriminde kórsetiletin ózge múlik esebinen quralady. 23. Komıtetke bekitilgen múlik respýblıkalyq menshikke jatady. 24. Eger zańnamada ózgeshe belgilenbese, Komıtettiń ózine bekitilgen múlikti jáne oǵan qarjylandyrý jospary boıynsha bólingen qarajat esebinen satyp alynǵan múlikti ózdiginen ıelikten shyǵarmaıdy nemese ózge de joldarmen bılik etpeıdi. 5. Komıtetti qaıta uıymdastyrý jáne taratý 25. Komıtetti qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady. Buıryq Qazaqstan Respýblıkasynyń Ádilet mınıstrliginde 2014 jylǵy 21 qazanda Normatıvtik quqyqtyq kesimderdi memlekettik tirkeýdiń tizilimine №9814 bolyp engizildi.